BADIIY MATNNING KONSEPTUAL TUZILISHI, SUPERKONSEPTLAR VA PERIFERIK KONSEPTLAR (“OTAMDAN QOLGAN DALALAR” ASARI MISOLIDA)

Mazkur maqolada Tog‘ay Murodning “Otamdan qolgan dalalar” romani misolida badiiy matnning konseptual tuzilishi, superkonsept va periferik konseptlarning o‘zaro munosabati hamda ularning matn orqali obyektivlashuvi tahlil qilinadi. Maqolada konsept inson ongida shakllanuvchi ko‘p qatlamli mental-kognitiv tuzilma sifatida ta’riflanib, uning tarkibida bilim, tajriba, emotsional-baholovchi va madaniy komponentlar mujassamlashgani asoslab beriladi. Tadqiqotda badiiy matnlarni konseptual tahlil qilishning ikki bosqichli modeli superkonsept, periferik konseptlar modellari qo‘llanilgan. Asarning superkonsepti “Erkinlik”, “Mustabid tuzumning inson qadr-qimmatini oyoq osti qilishi”, “Mehnatkash xalqning qulga aylantirilishi”, “Milliy o‘zlikni yo‘qotish xavfi” konseptlari orqali ochib berilgan. Periferik konseptlar sifatida “hazonga aylangan bolalik” hamda “ayollarning achchiq qismati” tanlangan, Maqolada, shuningdek, G.D. Gachev, Yu.M. Lotman, Z.D. Popova, I.A. Sternin, V.A. Maslova hamda o‘zbek olimi Sh. Safarovning va boshqa ko‘plab tilshunos olimlarning nazariy qarashlari qiyosiy tahlil qilingan.

This article analyzes the conceptual structure of a literary text, the relationship between the superconcept and peripheral concepts, as well as their objectification through the text, using the example of Tog‘ay Murod’s novel “Otamdan qolgan dalalar.” The concept is defined in the article as a multi-layered mental-cognitive structure formed in human consciousness, and it is substantiated that knowledge, experience, emotional-evaluative, and cultural components are integrated within it. The study employs a two-stage model of conceptual analysis of a literary text — the superconcept and peripheral concept models. The superconcept of the novel is revealed through the notions of “Freedom,” “Suppression of human dignity by the totalitarian regime,” “Transformation of the working people into slaves,” and “Threat of the loss of national identity.” “Childhood turned into hell” and “the bitter fate of women” are selected as peripheral concepts. The article also provides a comparative analysis of the theoretical perspectives of G.D. Gachev, Yu.M. Lotman, Z.D. Popova, I.A. Sternin, V.A. Maslova, the Uzbek scholar Sh. Safarov, and many other linguists.